Topèng Betawi
Topèng Betawi (hurup Arab Gundul: توفڠ بتاوى; Indonésia: tari topeng Betawi) aja entu orang Betawi punya atu bentuk lènong ngibing ama lakon.[1] Ni lakon-ngibing nglingkup ibingan, gending, bebodoran, ama lakon.[2] Topèng Betawi nampilin tèma-tèma orang Betawi punya keidupan nyang ditampilin dalem bentuk ibingan ama lakon.[2] Digero' topèng lantaran èmang maké topèng atawa kedok pas lagi ngibing nyang dipercaya katanya ada kesaktiannya.[3]
Sejarah èn asal-usul[permak | permak sumber]
Topèng Betawi awalnya dikeja ama Ma' Kinang èn Kong Ji'un di tahon 1930 nyang disawabin ama ibingan topèng Cerbon.[2][4] Ni bentuk lènong lakon ngibing ngembangnya di pinggir-pinggiran Jakarta, nyang digeronya orang Betawi Pinggiran (atawa Betawi Ora).[5][6]
Paèdah kemasarakatan[permak | permak sumber]
Ada berapa paèdah kemasarakatan deri topèng Betawi. Jaman bahola, orang Betawi pada percaya kalo itu kedok bisa ngindarin bahla, penyakit, ama musibah.[5][7] Walakin, wayah gini, topèng Betawi cuman bakal jadi hiburan di keriaan-keriaan Betawi doang, kaya' di kawinan Betawi, sunatan, ama lebaran.[5]
Alat gending[permak | permak sumber]
Bakal ngiringin penampilan topèng Betawi, alat-alat gending nyang biasa dipaké antara laèn: rebab, gong, kendang, kempul, kulanter, ama kècrèk.[2][5][8]
Ruju'an[permak | permak sumber]
- ↑ "Tari Topeng Betawi Tarian Tradisional dari Jakarta". Negeriku Indonesia. Dipungut 6 November 2020.
- ↑ a b c d Lisnawati, Melan Eka (27 Sep 2022). "Di Balik Topeng Betawi". historia.id. Dipungut 1 Juli 2024.
- ↑ "The Sacred Betawi Mask Dance". Indonesia Tourisme. Dipungut 6 November 2020.
- ↑ Rudatin, Hepi Sih (18 Juni 2023). "HUT Jakarta: Yuk, Ikut Workshop Tari Kinang Kilaras….18 Juni 2023". viva.co.id. Dipungut 1 Juli 2024.
- ↑ a b c d "Mengenal Tari Topeng Betawi, Perpaduan Tari dan Lakon". www.cnnindonesia.com. 21 Sep 2021. Dipungut 1 Juli 2024.
- ↑ PI, Redaksi. "Tari Topeng Betawi". Pariwisata Indonesia. Dipungut 6 November 2020.
- ↑ "Topeng Betawi, Seni Tari". encyclopedia jakarta. Dipungut 6 November 2020.
- ↑ "Topeng Betawi Dance". setubabakanbetawi. Dipungut 6 November 2020.